www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Pindar eta lano
Xabier Iratzeder
1920-1941

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

NUN ZIRA?

 

                        E.A. saratar apez-gai zenari

 

                Extebe, nun zira?

Oraino nundik zaude ni ganat begira?

 

Bihotzez hurbil bainan zutarik hain urrun,

Jainkoak nahi duen tokirat banoa,

Guziak irriz, kantuz jasanez zu lagun,

Urrundik ezaun baita bihotzen gozoa.

 

Herritik erran dautet itzali zarela,

Behako gabekorik duzula begia.

Nola ba ote daite sustatzen nauzula

Dorpegi zaitanean hemengo bizia?

 

                Extebe, nun zira?

Oraino nundik zaude ni ganat begira?

 

Neri so daude beti lehengo begiak,

Geroaz ezin ase, dena su ta irri,

Ohetik berrikitan neri so zirenak

Hobien bertzaldetik zaizkit gaur ageri.

 

Pizten naiz zuk dena su behatu orduko.

Gaur nere begi hitsak sutan pitz ditezen

Bai beha, neri beha, ni hemen aitzeko

Zure ta nere karra lurrerat zabaltzen.

 

                      * * *

 

Goizean atera naiz, kanporat atera

Guziak eder ziren, guziak zoin xuri!

Lurrari elurpean emanez lillura,

Zeruko puxka zerbait ziteken orori...

 

                Bainan joan baitzira

Egon naiz zeruari nigarrez begira.

 

20-1-40 Pauen

Extebe hil zela jakitean

 

aurrekoa hurrengoa