www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Pindar eta lano
Xabier Iratzeder
1920-1941

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

PERTSUTAN

 

Nahi nintuzke denak pertsutan ezarri.

Zuhaitz azpi batean aurkitu orduko,

Begiak zuri, xutik, pertsuka naiz ari.

 

Nere begi hitsari agertzen bazaizko

Lillura zerbeit edo bihotz bat amultsu,

Ezinbertzez sutan da pertsuka hasiko.

 

Hori gabe bizia hain da hits, hain pisu...

Doi bat airatu gabe egun bat ez nauke,

Hain dut airaldi hoitan gogoa dohatsu.

 

Orroit-minak harturik atsegin banuke,

Nere pilpirak oro pertsutan banitu...

Egiazko pertsu hoik nork eman detzazke?

 

                  * * *

 

Bihotza ahurrean, Herria, huna ni

Huna ere zuk eman gogoño suharra:

Aski trufa dautzute trufaka eskaini.

 

Begia amesten zait, banago begira...

Gaur lo pisu hortarik has zite jeikitzen

Eta argi, aberats zatozkit barnera.

 

Sort-herriko bazterrak, ar zaizte mintzatzen.

Zuen gogoeta hok jauzaraz bet-betan,

Lurpe ixil hortarik nitan sar ditezen.

 

Eta pertsularien tanpezko su hortan,

Arkaitzetarik sortu Euskara harturik

Gaztentzat emanen dut Herria pertsutan.

 

Larresoron, 16-7-40

 

aurrekoa hurrengoa