www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Pindar eta lano
Xabier Iratzeder
1920-1941

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

ITSAS-LAPUR

 

Arbasoen kar beroak

Erretzen nau ta zoratzen

Itsasoa! Itsasoa!

Hire amets gaitz zoroak

Daut gogoan su ezartzen.

 

Nunbeit bizi Itsas-lapur

Uhainetan zabal, nausi!

Itsasoa! Itsasoa!

Ez, deusetaz izan beldur

Deus mugarik ez ikusi!

 

Larrua beltz, burua xut,

Tirain basak oro bentzun!

Itsasoa! Itsasoa!

Kantu, ttoro eta zurrut

Luze ibil eta urrun!

 

Ez jendetan alfer bizi

Heriotze hits baten goait!

Itsasoa! Itsasoa!

Garrait ehun etsai-untzi

Gazterik hil, bainan garrait!

 

Zainetako nere karra,

Sutan dautak joan gogoa.

Itsasoa! Itsasoa!

Zabal, zabal ta azkarra

Aipatzen duk Jaun Goikoa

 

Itsas-lapur naiz eginen

Galernari gogor, nausi.

Itsasoa! Itsasoa!

Guzia su nitzaik jinen

Nahiz arimak ebatsi.

 

Apez jauntzi suharretan

Niri nausi, denen mutil,

Itsasoa! Itsasoa!

Nahi nuke uhainetan

Amodioz gazterik hil

 

Donibanen. 26-3-40

 

aurrekoa hurrengoa