www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Pindar eta lano
Xabier Iratzeder
1920-1941

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

PA!

 

Kaputxinetan badire

        Bi lerro lore

        Gorri ta ori

Iduzkirat irriz ari.

 

Banoa bati hurrupa

        Bertzeari pa,

        Lelo lerilo,

Penak oro baititut lo.

 

Arin arinik gogoa

Guziak zeru baitzaizkit,

Jauzi-mauzika banoa

Ta norat noan ez dakit...

 

Lorez lore pa emanik

Hetarik joaki den kea

Bihotza bete daukat nik

Daukat osoki pakea.

 

Kaputxinetan badire

        Bi lerro lore

        Gorri ta ori

Iduzkirat irriz ari.

 

Banoa bati hurrupa

        Bertzeari pa

        Lelo lerilo

Penak oro baititut lo

 

27-10-40

Baionako «Laetitian»

 

aurrekoa hurrengoa