www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Pindar eta lano
Xabier Iratzeder
1920-1941

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

ATZO

 

        Atzo bira bira

        Dantzan aitu zira.

 

Argiz itsu, keaz zoro,

        Soinu zirimolean,

Irriz, kantuz, dantzan oro

        Aitu zizte batean.

 

        Atzo bira bira

        Dantzan aitu zira.

 

Arin arin errabian

        Dantzan, begiak arrai,

Aitu zira gau guzian

        Eta lo zaude orai.

 

        Atzo bira bira

        Dantzan aitu zira.

 

Orai zuri beha nago

        Lo zurrungan egoki,

Zenbatenaz urusago

        Naizen ni bazinaki!

 

        Atzo bira bira

        Dantzan aitu zira.

 

Doi bat zare aberetu:

Soinuz burua gogor,

Atzarriko zare histu,

Zozotu eta mokor.

 

        Atzo bira bira

        Dantzan aitu zira.

 

Bai eta ni belauniko,

        Jaunarekin goxatzen,

Noizbeit zure argitzeko

        Otoitzez ari nintzen.

 

Donibanen, 7-2-39

 

aurrekoa hurrengoa