www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Uhaineri nausi
Xabier Iratzeder
1958 -1971

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

EZ BALITZ...

 

Ez balitz herio, eritasunik

        Bai ongi dakit nik

Ez balitz herio, eritasunik

        Gu ote nork atxik?

 

Ez balitz gorputza hertsiagoa

        Bihotza baino

Ez balitz bihotza ahulogoa

        Gogoa baino

Nun aurki bakea eta nun loa,

        Lur huntan gareno?

 

Ez balitz herio, eritasunik

        Gu ote nork atxik?

 

                  * * *

 

Ez balitz minetan deus gaitz, deus minik

        Bai ongi dakit nik

Ez balitz minetan deus gaitz, deus minik

        Nork luke bihotzik?

 

Ez balitz bizian jauzten nigarrik

        Etxea zer laite?

Ez balitz haurretan amen beharrik

        Musua zer laite?

Gutarik bakotxak beraz bertzerik

        Nork luke nor maite?

 

Ez balitz minetan deus gaitz, deus minik

        Nork luke bihotzik?

 

15-1-71

 

aurrekoa hurrengoa