www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Uhaineri nausi
Xabier Iratzeder
1958 -1971

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

ZERTARAKO?...

 

                Zertarako begira

        Euskal-Herrian Euskara?

 

Zertarako, loretan, hain xoragarri den hura?

Zertarako, zeruan, izar bakotxen dirdira;

Eta, bihotz barnetan, amodiozko pilpira?

 

                Zertarako begira

        Euskal-Herrian Euskara?

 

Zertarako, etxetan, hegalen peko goxoa?

Zertarako, munduan, kantu xaharren leloa;

Eta Jainko-mintzoak gu baitan erein mintzoa?

 

                Zertarako begira

        Euskal-Herrian Euskara?

 

Zertarako jakin ba Jaunak eginak garela?

Zertarako bilaka Harek amestu bezala;

Edo argi-hastetik jauzaraz argi zabala?

 

                Zertarako begira

        Euskal-Herrian Euskara?

 

29-5-63

 

aurrekoa hurrengoa