www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Argiz argi
Xabier Iratzeder
1947 -1957

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

LIRURI

 

                Salbadore Mixelena

                Arantzazukoari

 

Egina nion otoitz bat zeruko Amari

Liruri eta liruri menditik kantari,

Bihotz, barneko otoitz bat zeruko Amari.

 

«Euskal-lurreko arima beha zoin den eri...

Haren hil-hurren oihua liru bai liruri

Hel-araz zozu otoizka seme Jainkoari.»

 

Egina nion otoitz bat zeruko Amari

                  Liruri eta liruri.

 

«Zuri emana den baten bihotz zabalari

Behar lioke Jainkoak liru bai liruri

Goiko argi ta goiko su nasairik ixuri.»

 

                  Liruri eta liruri.

Bihotz barneko otoitz bat menditik kantari.

 

Entzun du, hara, entzun du nere otoitz hori.

Hara denen jaun zaudela liru bai liruri

Arantzatzuko gainetik fraide-pertsulari.

 

                        * * *

 

Mendiz bertzalde huntarik agur egun zuri:

Urrundik bainan biek bat liru bai liruri

Dugun Heria Jainkora otoitz-pertsuz ari.

 

Anaia, igan ta kanta denen xoragarri

Eta Jaunak gain batean liru bai liruri

Noizbeit gertaraz gaitzala besarka elgarri.

 

7-1-50

 

aurrekoa hurrengoa