XORI ERRESIÑULA, HOTS, EMAK ENEKI

                Ziberutarrez

Xori erresiñula, hots, emak eneki,

Maitenaren borthala biak alkharreki;

Botz ezti batez izok deklara segretki

Haren adixkide bat badela hireki.

Heltü ginenian maitenaren borthala,

Horak hasi zeizkün xanphaz berhala,

Laster egin günian bertan gordatzera;

Erresiñula igaiñ zühaiñ batetara.

—Nur da edo zer da? maitenak leihoti.

—Adixkidiak gira, ziaude beheiti;

Eta bortha ideki emeki emeki

Mintza ahal zitzadan ahalaz segretki.

—Nur da edo zer da? Nunko zirade zü?

—Etxe ondorik eztit, pharka izadazü;

Egarri handi batek hartürik niagozü:

Üthürri hun bat nun den, othoi, erradazü.

—Zure egarriaz ezta miraküllü,

Egünko egünian beo egiten dü.

Üthürri hun bat hortxe bathüren beitüzü,

Zük galthatzen düzüna gure behar dügü.