ENE IZAR MAITIA

                Basa-nabartarrez

Ene izar maitia,

Ene xarmagarria,

Ixilik zur'ikhustera

Jiten nitzauzu leihora;

Koblatzen dudalarik

Zaude lo'kharturik:

Gauazk'ametsa bezala

Ene khantua zauzula!

Zuk ez nuzu ezagutzen,

Hori ere zaut gaitzitzen;

Ez duzu ene beharrik

Ez eta axolarik.

Hil edo bizi nadi

Zuretako berdin!

Zu aldiz, maite Maria,

Zu zare ene bizia!

Amodiozko phena zer zen

Oraino ez nakien!

Orai ez nuzu biziko

Baizik zu maithatzeko.

Norat den ixurkia

Hara juaiten da hura:

Orobat ni, maitenena,

Jiten niz zure gana!