www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Jesu-Kristoren imitazionea
Mixel Xurio
1720

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Jesu-Christoren imitacionea, Michel Chourio (faksimilea). Hordago, 1978

 

 

aurrekoa hurrengoa

XIII. KAPITULUA

 

Obedienziaz.

 

JESU-KRISTOK

        1. Ene semea, obedienziatik aldaratzen dena hastantzen da graziatik; eta bere gisa bizi nahi duena gabetzen da baltsan egiten den ungiaz.

        Bere aitzin gidariak, gogotik, eta bihotz onez obeditzen eztituenak erakuxten du eztuela haragia ungi hezia; baiñan muthiria, eta maiz espirituaren kontra altxatzen dena.

        Ikhasazu beraz berehala obeditzen zure gidariei, baldiñ nahi baduzu zure haragiak obedi zaitzan.

        Kanpoko etsaia lauster da garaitu barneko gerla iraungitu denean.

        Eztuzu zure arimaren etsai handiagorik, eta gaixtoagorik zeroni baiño, baldiñ zure espirituarekiñ bakean ezpazare.

        Behar duzu zure burua zin ziñez mezprezatu, nahi baduzu zure haragia eta odola osoki garaitu.

        Herabe duzu bertzeren borondateari osoki arrimatzera zeren sobra maite baituzu oraiño zure burua.

 

        2. Zer da miresteko zuk Jainkoagatik obeditzea gizon bati, etzarenaz geroztik herrauts, eta ezdeus baizen? Ni egin naiz bada zuregatik gizonen obedient, naizelarik guziz gora, eta guziz podorosoa.

        Guzietako humillen eta azken egiñ naiz, ene humiltasuna balia dakizuntzat zure orguilleriaren garaitzeko.

        Herrautsa ikhasazu beraz obeditzen; lurra humilia zaite, ongarria uztazu zure burua ostikatzerat.

        Ikhasazu zure nahi guziei ukho egiten, eta obedienzia guzietarat arrimatzen.

 

        3. Aserra zaite sainduki zure buruaren kontra, eta etzazula utz orguilleria zure baithan bizitzerat.

        Egizu zure burua haiñ xume, emazu haiñ behera non bapedera baitabilke zure gaiñean karrikako, basaren gaiñean bezala.

        Gizon banoa zertaz errenkura zaitezke?

        Bekhatoroz hanbat maneraz lizundua, nola atrebitzen zare mintzatzerat, zuri egiten zaizkitzun hirriez? Hanbatetan zure kreatzaillea ofensatu, eta ifernua merezitu duzun ondoan.

        Bizkitartean ene miserikordiak barkhatu darotzu zeren zure arima preziatu izatu baita ene begietan.

        Eta ene amudioaren seiñale horiek eman darozkitzut eneganik izatu tutzun ontasunez bethiere ezagutza izan dezazuntzat, eta zutazko mezprezio guziak mansoki paira detzatzuntzat.

 

aurrekoa hurrengoa