www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Noelak
Joanes Etxeberri, «Etxeberri Ziburukoa»
1630, 1645

      [liburua osorik RTF formatuan]
      [inprimitzeko bertsioa PDFn]
      [faksimilea]
      [Literaturaren Zubitegia]

 

Iturria: Noelak (eta kantika espiritual berriak), Ioannes Etcheberri Ziburukoa (Lino Akesoloren edizioa). Sociedad Guipuzcoana de Ediciones y Publicaciones, 1970

 

  hurrengoa

DEDIKAZIONEA

Jesus Kristo Jaunari eta Saindu guztiei

 

Jesus Kristo eta Saindu

zeruko dohatsuak:

entzun etzatzue gogo

onez gure kantuak.

 

Laudatu zaituztegunaz

geroz behar zeruan,

atsegin har ezazue

has gaitezen munduan.

 

Zeru-lurrek diozoten

bethi elkharri ihardats,

eta guk dezagun gure

eginbidea ikhas.

 

Ezin zeruan gaitezke

sar aski trebatuak,

aingeruez zaretenaz

geroztik laudatuak.

 

Molda dietzagutzue,

arren, geure mihiak,

zuetzaz diñe daitezen

aurkhi gure aheriak.

 

Bihur diezazuegun

laudorio doblea:

zergatik darokuzuen

zerok eman antzea.

 

  hurrengoa