www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Gora begira
Paulo Zamarripa
1927

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Gora Begira, Zamarripa abadea. Emeterio Verdes-en Irarkolan, 1927

 

 

aurrekoa hurrengoa

ELIZEA TA EUSKEREA

 

                Donapaleoko euskal-yayetan, 1903-ko

                urtean, lenengo saria arturiko olerkia.

                Aita Daniel Baerteleri eskeiñia.

 

Euskera ta Elizea, izenez bigunak...

Ta izatez gozo gozo ta osoro legunak,

        Guri Goiko Jaunak

Goitik bialduriko egizko ondasunak,

Maitegarriak dituz biotz euskaldunak.

        Amatxu kutunak,

Zeurok maitatzen emon nai dodaz egunak!

 

Alperrik Inpernuak, Ama orren kaltean,

Maitetasuna il nai dau nire biotzean...

        Jaunaren etxean

Erreko dot biotza maitetasunean,

Suak iratzi dayan biotzan ganean:

        «Amokaz batean

Ibilgo da biotz au bizi dan artean».

 

Betoz, betoz ekatxak euskaldun errira,

Maitetasun au bota-gurarik obira!...

        Betoz Euskadira!...

Baila ez, ez. Zertarako, alperrik badira?

Amok biotz ontatik aldenduko eztira.

        Zerura-begira

Nire maitetasunen garrak bizi dira!

 

Ezta bizi gizona maitetasun barik...

Ta Amon maitetasunak nauko ni bizirik.

        Eurak ikusirik,

Bauko nire biotzak naiko pozgarririk.

Eztakit zelan egon leiken euskaldunik

        Ai! biotz guztirik

Ama biok maitetu eiten eztauzanik.

 

Euskaldun bakotxaren biotz bakotxera

Bialdu gura neunke neure sentiera...

        Biotzok batera...

Danok... goratu dayen Amon izakera...

Nai neunke biotz danok, neurean antzera,

        Emetik aurrera,

Laztanik kantatzea Eliza ta Euskera.

 

Negarrez dagoz orain Ama maite zarrak,

Euskadin ikusirik ainbat seme... txarrak...

        Euskaldun txatxarrak,

Izenez euskaldunak, izatez zantarrak,

Amaren kalterako egiten indarrak.

        Biotz euskotarrak,

Geure maitetasunen maitetasun-garrak

Legortu beiz apur bat Amaren negarrak.

 

Euskaldun seme danok emen lur onetan

Maitetu bear doguz... maitetu benetan...

        Denpora danetan...

Euskera ta Elizea, uri ta errietan,

Lur au itxi ta gero,... Asabak goyetan,

        Zeruko ateeian,

Pozik artu gagizan euron besoetan.

 

Esango al deuskue Goitik Oienart andiak,

Mogel, Elizanburu ta Larramendiak,

        Eusko leñargiak:

Zurok zare Elizaren semetxu onetsiak,

Zurok Ama Euskeraren seme maitatiak.

        Biotzez guztiak

Gozotu nai dozuez Ama orren urtiak!

 

aurrekoa hurrengoa