www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Zeru-menditik
Xabier Iratzeder
1941-1946

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Zeru-menditik (1941-1946), Iratzeder. Ezkila, 1959

 

 

aurrekoa hurrengoa

BORTZ URTE...

 

                        «Errobi» euskal-anaia itzalean...

 

Bortz urte gaur ginela ametsetan ari,

Euskal-iluntze batez gainetan kantari...

Bortz urte gaur ginela elgarrekin ari

Maitez beha ta beha Euskal-Herriari.

 

Aiten itsas-odolak biak bat eginak,

Ai, Haltsu gain hartako gure irrintzinak!

Bainan nor da xutitu, salbu mendi-gainak?

Guziak lo baitzauzkan kaskoinzale minak.

 

Orduan zuk eta nik egin ginuen

Herria ez uzteko bere nahiz hiltze;

Eta Jainko-mendirat ni sutan joan nintzen

Oro dabilzkan Hura gu alde dadien.

 

Zu aldiz, nola dagon tirainer harroka,

Egon zare zelaian gaitzari gogorka.

Zu egon zare, nola tirainer harroka,

Kanpotar ausarteri irri-karkailaka!...

 

                    * * *

 

Jautsi naiz atzo eta...preso omen zaude...

Bai, euskaldun bihotzak piztuko dirade

Badirenaz geroztik, preso ala fraide,

Pairatzen dakitenak Herriaren alde.

 

aurrekoa hurrengoa