Zukre-egileak
Arrossagaray, J.C.
1
Pertsu berriak agertzen ditut gore «Herria» kasetan
Gaurko sujeta daukat oraino Garaziko lagunetan
Hemen bizia badoa beti neguaren itxuretan
Eskual-herriko libertateaz orroitzen gira artetan.
2
Irabaziak onak dirade horrek badu ageria
Ez ginen hunat etorriko ez balu emaiten beria
Irakurleak adi dezala gure ganikan egia
Bere pobrean nagusi dela denentzat Eskual-herria.
3
Mendibe-tikan, Duzunaritze, Aintzile eta Gamarte
Luzaide berne Arnegi ere eta azkenik Uharte
Elgarretara bildu girenak ezin egonez aparte
Ez baita zuzen eskualdun dena egin zadien bi parte.
4
Anaitasuna bai egiazki badago gure artean
Denetan hori behar litake gizonezko izaitean
Gauze ederra elgar lagunduz beharrez ordu batean
Sendimenduak onenak daude gogo bihotzen atean.
5
Pertsu hauekin ikus ditake gure bakotxain itxura
Holako kasu miresgarria ez da gertatzen ardura.
Denek badute gisa hortan gu ezagutzeko mentura
Erdi ahantzi gaituzteneri etorriko da burura.
6
Fermin Ahado Uhartiarra ginuen denen gidari
Heron nahiak gintuen behin leku huntarat ekarri
Orai dolurik ez dugu nehoiz behatuz lagun onari.
Guzien partez esker minenak diozkat egun berari.
7
Gure sasoina dago oraino buruz bera eroria
Laster Garazin sartuko baita hor sortua den xoria
Estaliko da bere haurretaz zaukan pena doloria
Segurra dugu zure besoan gure ongi etorria.
8
Eskualdun gaztek egin zukreak eman ditzala indarrak
Urte berrian ere salduko ditazke segur bakarrak
Harrek baititu mundu guzian azkar-arazi beharrak
Heur ttipitarik haste geienak partikulazki xaharrak.
9
Aldi huntako akabatzen dut, soles on bat erraitean
Urte. berri on desiratzen dut oraino dener batean
Zeruko Jaunak onhartzen badu eskualdun herri maitean
Bizi gaitezen ahalaz beti zorion eta bakean.