Xalbadorri gazte batek agur
Arrossagaray, J.C.
1
Martxoko hogoi eta lauean nago pertsutan hastera
Xalbadorri dut egin nahia neure pertsuzko agurra
Eskual-Herrian eginik dago eskuarari sail ederra
Hori bezala beste bat nundik behar ginduke atera.
2
Jainkoak eman dautzu kuraia eta talendu bat gaitza
Gu ere zerbait egin nahian gazte-danikan gabiltza
Zuk baitakizu bihotzez nola lagun guziak zerbitza
Otoi gazteri emaguzu gaur talendua eta hitza.
3
Zure hitzekin huntaratu naiz, aitortzen dautzut egia
Zure gisan nik desira nuke hartzea pertsu plegia
Igundaino ez zira izan zu tranpetan gizon nagia
Pertsuari-re bazinakien emaiten zuzen bidia.
4
Eskualdun seme Urepelen hor hazia izan zirena
Betidanikan segitu duzu Jainkoak eman dohaina
Españan eta Frantzian ongi ezagutu dautzutena
Ez dadiela sekulan ixil merezi duzun omena.
5
Egia frango erraiten duzu zure pertsu guzietan
Hortakotz gaude zu ez ikusiz jarriak denak penetan
Zure beharra baiginuke guk pertsuen edertzekotan
Jainkoak laster senda zaitzala berriz ere hastekotan.
6
Bidarrai hortan gertatu ginen zurekin lehen aldian
Elgarri pertsu emaiten aizan ginen plazer bat haundian
Multxo pollita denetarik han gertatu ginen ordian
Geroztik hunat pertsua baizik ez daukat nere burian.
7
Erramundeian baginuen guk plazerrez egin bilkura
Oraino ere usu buruan dut orduko egun hura
Berriz-e banu zurekin xantza gertatzeko nik ardura
Gogotik etor nindaike berriz galdatzen nuten lekura.
8
Idaia gaitza badut ordutik hunat pertsuarendako
Eta zuk erran zinautan hitza nehoiz ez dut ahantziko:
«Bakartasuna duk hoberena pertsuaren ikasteko»,
Froga horiek egiak dira orai dautzut aitortuko.
9
Zonbait emanik baduzu segur Eskual-Herriko xokotan
Zure talendu hori ezagun zen hoberena denetan
Eskual-Herriko lehen-lehena zira pertsuko lanetan
Jainkoak dohain beraz sustenga gaitzala behar ordutan.
10
Bururatzen dut zuri erranez hemen azken parabola
Neure pertsuak ta goraintziak igortzen dauzkitzut hola
Ez dezagula utz makurtzerat xuxenik dagon arbola
Behar litake garbi atxiki pertsularien odola.