Xalbadorri agur on (1972-ko azaroan)
Arrossagaray, J.C.
1
Hemen aipatu nahia
Xalbador pertsularia
Urepele-ko semia;
Aurten duzula irabazia
Kurtsan Xenpelar saria,
Hori dudarik gabia
Zinduen merexitia
Ukan duzun ohoria.
2
Xalbador zure izena
Aspaldi nuen entzuna
Koblaritan hoberena;
Ofizio hortan kurritu duzu
Eskual herri gehiena,
Zu anitzen jostakina
Eman dezu atsegina
Hori da, nahi zutena.
3
Xalbador zu mintzatzian
Sort etxearen gainian
Sendimendu hobenian;
Zu bezalako etxe umiak
Balira mundu guzian,
Estima ginio ordian
Gure Arbason bizian
Zer utzi zauten joaitian.
4
Arbasotarik ukana
Lehenik gure dohaina
Bai eta gero izena;
Gainera utzi ere zaguten
Mintzairetan ederrena,
Hori arak dakiguna
Baita gure Eskualduna.
5
Xalbador zure pertsutan
Sort etxeain ohoretan
Zaude amodio haunditan;
Zure ideiak plazaturikan
Zeure haurren eskuetan,
Ontsa jarraikitzekotan
Zuk eman etsenpluetan
Ez lukete dolurikan.
6
Batek bere etxeari
Behar luke erakutsi
Amodio zoin den haundi ;
Ez balinbada hau jarraikitzen
Eskasak dira ageri,
Pentze-landak sasu jarri
Aterbeak hor erori
Ez dea desgustagarri.
7
Arbasok kusi balute
Anitzak nola gabiltze
Estonatuak litazke;
Heien izerdiz ontsa gostaiak
guk abandonatuz fite,
Orroitu behar ginduke
Mundurat eman gaituzte
Zor dugu heier hainbeste.
8
Pagatzeko gure zorrak
Ditugun egin beharrak
Lauda Arbaso xaharrak;
Xalbador zure pertsutan ditu
Hortaz etsenplu ederrak,
Nola auzo herritarrak
Inguratzen nau plazerrak
Zuri milaka eskerrak.
9
Ikusi dugu askotan
Nola Eskual herritan
Berdin hemen Amerikan
Gure Arbasok utzi presentak
Anitz estimu txarretan,
Menturaz pentsatu faltan
Edo sartuz urgulutan
Alegia ahantzirikan.
10
Hau dut nik azken pertsua
Zuri Xalbador prestua
Besten herronkan sartua;
Gaur hemen Chino-n zu ezagutuz
Dauket plazer arrarua,
Dauzut desira osua
Zuri bizitza goxua
Zerurat azken pausua.
|