Urte berria xaharraren anaia

Arrossagaray, J.C

 1

 Urte xaharra eta berria nahi nituzke aipatu

 Len ttipi hori egin dezatan lagunek naute manatu

 Berriaz zerbait erran nezan ta xaharra berriz laudatu

 Orroituz nola dugun iragan dena bakean pasatu.

 2

 Batto itzali orduko berriz agertu zaiku bestea

 Nola xahar bat hiltzen deneko munduratzen den gaztea

 Iragan dena bururatu-ta neke baita berextea

 Zoinek ekarri dezaken bada nahi dugun suertea.

 3

 Ur handitzeak ta lur ikarak, gerlak ere izan dira

 Gertakari hau ez daike izan zorionaren dirdira

 Urte berrian erori gabe putzu handien erdira

 Lanjer gaixtotik atera gaiten Jaunak gaitzaia begira.

 4

 Ikusi denaz mintza ditake heldu zaikunaz menturan

 Nahiz bat ala bestekoaren junta orai dagon hurran

 Geroaz denak egoiten gira frango gauzez arranguran

 Orai urtea zuhaurek juja zain ona nahi zaitudan.

 5

 Goxotasuna beti irauten baitago gauze nekea

 Alta odola ixurtze hori ere ez dago merkea

 Ene barneko sendimenduez hau konpara nezakea

 Amodioa arima dela eta gorputza bakea?

 6

 Mundu guziko boteretsuek gaur banindezate adi

 Bake solasa ez dut pentsatzen geldi laiken bide erdi

 Maitasun ona bihotz barnetan betikotz kaka baladi

 Konzientziak egin galderi denek lirote obedi.

 7

 Amodioa izan dadila mundu guziko filusa

 Horren eskasa sendi duena ere dadiela usa

 Gozamen horren izaite onak gutan ez baleza luza

 Ustelduko da arima gabe aurkituko den gorputza.

 8

 Bihotz gogoak batetaratuz desiratzen dut urte on

 Aspaldi hari egin nahian mundu barnean nindagon

 Mundutar anai-arrebak oro elgarrekin gaiten egon

 Ahalaz luzaz goza dezagun ainitz bake ta zorion.