Urrezko ezteieri ohore
Arrossagaray, J.C.
1
Mar-txoko lauan sartu izan naiz zinezko atseginetan
Zorionezko berri ederra jakin izanik bet betan
Urrezko eztei eder batzuek ikusi ditut kasetan
Erramun eta Maider loi hauek zorionezko mugetan
Berroita hamar urte maitasun frogatu dute obretan.
2
Beti gogoan naukan, Erramun, zure ontsa gorestea
Egun bakarrik ezin egina zure esposa bestea
Onhartu izan duzue biek biziaren onestea
Munduan baita gauza frangoren ainitz aldiz irestea
Guziak jasan izan tuzue, laguntzaile sinestea.
3
Aspaldi nahi nituen gauzak zure pertsuak bixtara
Gure Jainkoak ekarri dauzkit ene nahizko gisara
Zonbat zorion harturik nagon egun dezaket deklara
Eskuraturik zure biziko kantu kopia bakarra
Atsegin horrek jauts-arazi daut zoramenduzko nigarra.
4
Erramun Trounday, laguna Maider, zorion eta ohore
Zuek emanik ikusi ditut lur huntarat zonbait lore
Denak ohorez ongi hazteko izan duzue balore
Denen buruan ikusten dugu baduzuela omore.
Bizi egonez luzaz Erramun eman pertsuak gerore.
5
Sei haur haziak ditutzue ta aingeru zazpigarrena
Bixtan dena da joaiten denak beti emaiten du pena
Bainan m unduan bizi direnek egin izanik berena
Xaharretarik solas hau dago beti entzun izan dena
Aitamendako zeruan haur bat dela gauza handiena.
6
Zuen fruituen fruituak berriz kondatzen tut hamazazpi
Baratze horren balio ona gure Jainkoak badaki
Bakotxak beren sailean denak zuzen ditu eramaki
Landare finak daudela oro, agerpena dute naski
Ait'amek hoitaz hartu baitute onerako erabaki.
7
Ene partetik ordu zen hasi nindadin zuen laudatzen
Zuen etxean behin ni izan nintzala zait bururatzen
Erramun, zure erran zuhurra ez zait gogotik aldatzen
Gizonak beti behar zuela jakin bizia maitatzen
Zuena hala pasatu dela orai aise dut jujatzen.
8
Kapittainaineaz Ortzaitzen nik beti naukan adipena
Zer familia xoragarria lanetik hazi dutena
Gizon ta andren artean hori baita gauzik ederrena
Amodioan bizi luzeaz bedi zuen gozamena
Beti iraunkor izan dadien biziko orroitzapena.
9
Lehen ixilik zagon xoria hasiz pertsuzko lanean
Nihaur xoratu izan bainaute irakurtu duztanean
A zer erbia lotan zagona Ortzaiz Kapittainainean
Ene pertsu hok eskuratzean desira hoberenean
Goresmen eta goraintzi diot Garaziren izenean.
