Urrezko ezteiak
Arrossagaray, J.C.
1
Pertsu berriak egun bihotzez doatzi
Oraikoan sujeta baitaukat Garazi
Ezterenzubikoak ezin tut ahantzi
Merezi dutena gaur dute irabazi.
2
Bettiriaz betitik badut entzutea
Mari eta Marti-ren dago gorestea
Berroita hamar urtez elgar jasaitea
Hori da zinez biek maite izaitea.
3
Maitasun eder horrien urte mugakari
Platinazko ezteak zonbat xoragarri
Horiek ditutzue, Marti eta Mari
Bizian erabili lan guzien sari.
4
San Frantzizkotik jinik familia Juanes
Jan Piarre, andrea, aitamen omenez
Urrats handi bat hola bihotzez eginez
Aitamak maite tuzte, ageri da zinez.
5
Batixta, emaztea ta haurrak Angelun
Zuen bihotzak hola ez dagoki ilun
Aitamak osagarriz azkar dira egun
Gehiago irauten, Jainkoa, zuk lagun.
6
Jeanne eta Mayi dira berriz Biarritzen
Odola nundik duten baitute senditzen
Aitamen guziak diote argitzen
Hek ere maite tuzte, ez gira harritzen.
7
Beņat seme geiena dago Bettirian
Aitamen ordaintza du eman agerian
Desiratzen diogu sortu den herrian
Berdin egin dezoten bere tenorian.
8
Agur eta ohore Mari eta Marti
Merezimendu ainitz ukanikan beti.
Zuen. ohoratzeko nola ez go xuti
Hortarat heltzen denik baita arras guti.
9
Sei haur ukan ondoan egin behar buru
Biltzen zirelarikan aitamen inguru
Maitasun beraz zauden munduko aingeru
Familia pollita zagon Gezainburu.
10
Burrasotasun hori beti ongi betez
Denbora joan daike beti elgar maitez
Gore desira dago erteko hitz batez
Bizi egon zaitezten hola ainitz urtez.
11
Aitama amultsuak izanik munduan
Huna zer gaur nitarik bihotzez baduan
Desiratzen dautzuet guzien buruan
Tokirik hoberena zuentzat zueruan.
