Platinazko ezteiak Ezterenzubin
Arrossagaray, J.C.
1
Ai zer zorion xoragarrizko eguna jina zaukuna
Ohoratzeko hirugoi urtez iraun duen maitasuna
Amodioa sanoa baitzen zinezko garbitasuna
Erakusten du egungo huntan biek duten osasuna.
2
Maria eta zu berriz Bruno elgarren maitasunean
Ahal bezala men bizian ari izanik lanean
Zazpi haurtxoak hazi zinuzten izaite ederrenean
Egun eskerrak beraz bieri omore hoberenean.
3
Eiheralarre Iribarnetik ta Ezterentzubirako
Aitatxi Brunok bidea daki bere bizi guzirako
Ez zitzauzun ez hanbat luzea denbora goxo hartako
Horiek denak egin ditutzu amatxi maite zelako.
4
Amatsei Mari Maitia sortu zarena Jakesenean
Mila bedatzi ehunetako urtetan bigarrenean
Aitatxi berriz, zu sortu zinen hemeretzigarrenean
Oraino luzaz bizi zaitezte Jainkoaren aintzinean.
5
Mila bedatzi ehun ta hogoi eta seieko urtean
Elgarri hitza eman zinuten aldare aintzin batean
Maitasun osoz bien bihotza baitzagon bete betean
Ez du barkatu alaba on bat serora egin artean.
6
Xahar pollitak zarezte biak ainitz urteren buruan
Zuen bihotza ez da egona elgarrentzat desterruan
Ahalaz luzaz bizi zaitezte zazpi haurren inguruan
Zeruko aitak egin artean toki onena zeruan.