Lau mixterioak
Arrossagaray, J.C.
1
Lau mixterio irringarriren kantatzerat orai noa
Arallerian bizi baitira ene bihotz ta gogoa.
Gizon bat-batek kondatu gezur hori argitara doa
Haren inbido gorde harentzat botatzen dut hordagoa.
2
Lehen gezurra aski handia behin zeraukun sakatu
Etxetik behi aratxedun bat omen zitzalon faltatu
Aste osoan bazter guziak zituelarik miratu
Zer mirakulu gertatu zaion beharko dut esplikatu.
3
Gogoetatuz zagoelarik oihan baten zabalean
Orro samin bat aditurikan arratsalde apalean
Ohartu omen zen frango fite behi hura bertzaldean
Onjo papuna baten azpian zagoela itzalean.
4
Gizon berari Ameriketan gertatu izigarria
Eguntto batez galdu zuela papotik muntra urria
Denetan xeka ibilia zen kasik galdurik buria
Ezin kausituz muntra bat nihun, galdu hura iduria.
5
Urteņo baten buruan ardi zain mendian zagoela.
Aditu zuen azantz bitxi bat nunbaitik mintzatzen zela
Ez iduritzen ottea kantuz hola aizan zitakela
Begiratu Karen muntra zen oino kurritzen zuela.
6
Bertzaldi batez handiagoa ba omen dute izana
Haren funtsetan bazen erreka, ura hahdikan zoana
Aingira bati loturik landan erdi goiti zen joana,
Eta oraino aingira harek urean zaukan buztana.
7
Azken gezurra guziek otoi gaurkoan ongi eskuta
Gizon bati hau gertatu zaio mobiletan partituta
Zakur tzar batek malda batean gizon hori akituta
Malda zolarat tiratu zuen zakutxetarik lotuta.
8
Hauxet da gauze miresgarria zinaz gertatu beharra
Gertakari hau harrigarria, munduan baita bakarra
Gizona eta mobilet hura tiratzeko zer indarra!
Zakurra ere gisa horretan ez zitaken arrunt txarra.
9
Azken pertsua irri batekin derautzuet akabatzen
Gizon abilak arizan dira ixtorio hauk kondatzen
Orai artean gorderik zauden, orai ditut argiratzen
Guziek jakin dezaten hola Garazin zer den gertatzen.