Ilobak bere osebari
Arrossagaray, J.C.
1
Sujet berri bat izanez egun hasi behar naiz kantatzen
Pertsu berriak argira diten osebak dauzkit galdatzen
Bera koblari izan delakotz ainitz ditu estimatzen
Piarre Haran Jatsuko seme osoki garaztarra zeh.
2
Hamahiru bat urte bazuen elgar kusi ginue!a
Eta egiaz erran dezaket lehen aldia zaikela
Pertsutan entzun zintudan behin gogotik ari zinela
Nere dohaina piztu zitzautan orzantz ximizta bezela.
3
Hameka urte irian nintzan oseba ezagutzean
Laster begira jarria nintzan zu pertsuetan lotzean
Ordainik ezin moldatuz hantxet egona nintzan gosean
Geroztik hunat beti nindagon egun hura bihotzean.
4
Agorrilean egin daukuzu horrat jiteko gomita
Zure etxerat Gironda hortan leku pollitean baita
Atseginekin egina dugu zu ikusterat bisita
Kausitu zaitut lehen bezala alaia eta hardita.
5
Elgar ikusi orduko jautsiz zoramenduzko nigarra
Erran dautazu: «horra hau ere gure arbolen abarra
Ni nauzu Juanes, zure oseba, koblari naizen bakarra
Garazin sortu xoria eta kanpo higatu beharra ».
6
Urrun higatu beharra dela baitut nik entzun izana
Dudarik gabe hola zitaken oseba onaren plana
Eskual-herriko seme dagona eta hirirat joana,
Horrek bihotza xiztatzen deraut lantza batek bezain barna.
7
Aboztu hortan lehen aldikotz ottorekin pertsuetan
Ordu beretik ene bihotza sartu zeraut lorietan
Solas legunak eta goxoak daude zure ezpainetan
Ongi kontsola dezazketzu zuk aurki daizkenak penetan.
8
Zure pertsuko lagun izana Gohenetche Larramendy
Elgarrekilan kantuz artzeak horrek baduke aspaldi
Zure dohaina gogo barnean oraino baituzu sendi
Iloba zure laguntzat dago. Otoi ez zaitela geldi.
9
Zure pertsuko dohaina nola zen zinez naukan arrotza
Ikusi baitut nornahirentzat ez zaudela bate lotsa
Arralleria beti mihian eta zirtoa zorrotza
Zure izaite miresgarriak hunkitu deraut bihotza.
10
Koblarik orai ene bururat ez baitzeraut heldu geio
Den onenari noizbait gelditze hori etortzen baitzaio...
Pertsu aide hau eskuetarat ottori heltzen bazaio
Besarkada bat eskaintzen dautzut bihotzetik Haran Peyo.
