Garazi...ri agur
Arrossagaray, J.C
1
Behin geiago nola xoria kantatzen
Halaber hasten naiz gaur pertsuen moldatzen
Garazi maitea dut orai goraipatzen
Hori merezi duzu gaur ez dut dudatzen
Ohorea derautzut hitz hutsez mugatzen.
2
Hitz hutsez muga baino ainitz gehiago
Merezi zindukela gogoetan nago
Garazi zaitut denak baino maiteago
Urrez bazti bazina nuke nahiago
Hupatzeko besteak baino-re gorago.
3
Garazi guretzat da izaitez premuan
Zure haurtxo bezala gauden eremuan
Lur onaren fruitua noiz daike damuan
Sustengatuko zaitut gaur indar fermuan
Betikotz geldi zaiten denen estimuan.
4
Estimua baitago izan ederrena
Merezitu ta lehen eman zautzutena
Atxik azu betiko azkarren gemena
Zaudelakoan beraz guretzat lehena
Zintzoki duzu hartze denen aipamena.
5
Aipamenean zaude oraindik Garazi
Omena merezituz bai-ta irabazi
Onerakoan duzu beti izan grazi
Zure haurtxo naiz eta behar dut ikasi
Zure oinen azpian nola daiken bizi.
6
Amatzat hartzen zaitut herri nagusia
Sortu naizen pondutik zaitut ikusia
Zure odola daukat xurgan iretsia
Garazi naukauzu zuk haurretik hezia
Nora lehoin gazte bat ezin onetsia.
7
Beti segitzekotan dantza eta pertsu
Kantuz erabil zaite nun nahi amultsu
Gozotasuna bada egoiten indartsu
Zure eginkizunak ditela dohatsu
Anai arrebak kausi ez gaiten herratsu,
8
Herratsu izaitea munduko tormenta
Gaizkirat nehor orai ez gaitela tenta
Garazi ixiltzen dut gaur ene terrenta
Enetzat egin zazu zure testamenta
Ene heinaz bainago zure beztimenta.
9
Zerbait kantatua dut xuxen edo makur
Gostukoa ez dena nehork ez irakur
Garazik hartze zuen hortaz nago segur
Aipamen xume denaz zertarako beldur
Bere haurtzat daukanak egitea agur.