Gaizki mintzo direneri
Arrossagaray, J.C.
1
Gogoa pizu deraukat eta usu mintzo zait bihotza
Idaian dutan gauza zuzen da gaur pertsuz dezatan osa
Askok eztena bezain mihia baiteraukate zorrotza
Jainkoa gatik bederen gaizki mintzatzeaz gaiten lotsa.
2
Berria laster hedatua zen ihurtzuri bat bezala
Jutsin gizon bat eta Ahatsan emazte bat hil zirela
Gezurtatua zagon egia gertatu baitzen horrela
Geroan laster kantatu zuten gaizki entzuna zutela.
3
Ez dakit gaurko jendeak norat ari giren bilakatzen
Ikas dezagun gezurrak utziz egia bera kondatzen
Jenden bizia Jainkoak baitu bakar bakarrik manatzen
Jakin dezagun gure mihia zazpi aldiz inguratzen.
4
Munduan behar den gauza dugu bakarrik amodioa
Zuzen kontra ez bedi errana izan gauza serioa
Sortuz geroztik denen bizia beti aintzina badoa
Galdatu gabe aski goizikan jinen zaiku herioa.
5
Agian berriz ez bedi entzun gisa hortako berririk
Gaizki dabiltzan aho guziak egon ditela hetsirik
Solasek ezin kendu baitute mundu huntako argirik
Jaun andereak, gaur luzeago egonen zaizte bizirik.
6
Mundu barnean guziak gaude elgarrendako haurride
Orduan beraz zertako dabil horrenbeste elapide
Zintzotu egln gaiten guziak onerat eginez bide
Etsaiak ere bilaka diten sekulakotz adixkide.
7
Nahiago dut hedatu hitza ez baita egia izan
Beta bestea nik ezagutzen ere zaitustedan gisan
Luzaz ar zaizte biak Jainkoa ta familien zerbitzan
Soberakinak ez zaiztelakotz Justin bai eta Ahatsan.