Felix Iriarte banka-bersinantori
Arrossagaray, J.C.
1
Iriarteri pertsutan
Pentsatzen nago batzutan
Zer erran behar dauzutan
Zuzen da orai ager dezatan
Egon gabean dolutan
Ez zauzkit hok urgulutan
Azkar zaudeno burutan
Maixua zaude zu gutan.
2
Adin ederraz jabetu
Ta dohainaz ez gabetu
Izpirituaz hobetu
Hiru hogoi-ta hamabi urte
Biziaz ditu beretu
Eta bihotzez loretu
Gazteak zinez maite tu
Hortakotz denak aide tu.
3
Sunbillan dago sortua
Ta Alduden egotua
Bankara esposatua
Bersinantoine baserrian du
Geroztik hunat gostua
Behin betikotz hartua
Euskaldunez maitatua
Zaude benedikatua.
4
Zure izana bizirik
Bai eta zinez argirik
Berriki dut ikusirik
Bidarrai hortan xapelgoa zen
Zuk bezalako irririk
Nehork egIn arazirik
Kausitu dea bihirik
Félix zu bezain handirik?
5
Badaukazu handitasun
Gogoz zaitugu guk entzun
Zer balioa daukazun
Erakutsia daukuzu zinez
Lagunentzat maitetasun
Nola ager dezakezun
Bihotz barnez anaitasun
Nun da hoinbeste ontasun?
6
Ontasun hori batetan
Jaunak eman Felixetan
Zure gogo bihotzetan
Egonen dena behin betikotz
Idaia eta obretan
Segi zazu pertsuetan
Batzu ta besten onetan
Odola deno zainetan.
7
Zazpi persutan dut utzi
Nahi dauzut erakutsi
Eta konpreniarazi
Gazte ta xahar elgar gabean
Ezin gintazkela bizi
Dezagun denek onetsi
Behar direla goretsi
Dauzkagun zazpi probintzi.