Esker onez Jose Maria Satrustegui-ri
Arrossagaray, J.C.
1
Bertsu batzuek nahi nituzke zerbeit gisetan ezarri
Eta hargatik galdatzen diot laguntza goiko Jaunari;
Suietan dut adixkide bat izena Don Jose Mari,
Kalifornian bisita dauku berrikitan egin guri,
Zonbat atsegin eman derautan aitortzen diot berari.
2
Atsekin haundiz iragan dizit zurekin hemen denbora
Ikusiz nola etorri ziren urrundik gur'ikustera;
Adinez eta jakitateaz elgarri urrunak gera,
Bainan halere odolez biak Euskaldun zintzo baigira,
Abantail horrek laguntzen gaitu elgarren solastatzera.
3
Egun batzuez egina dugu gostuko solastatzia
Zure magneto tresnan daukazu aski garbiki bildia;
Oroitzapena eraman duzu segur parerik gabia,
Orai dakizu nolakoa den gure hemengo bizia,
Arrangurarik ez dugu eskas, hala baitugu zortia.
4
Nork behar zuen hauxe asmatu leheneko denboretan
Elgar ikusi eta solasta gindirola Amerikan;
Urrun bideak laburtu dire oraiko molde berritan,
Urtzoen gisan airatuz gora hegaikin ederrenetan,
Gero jendaki, adixkidekin, gozatzeko elgarretan.
5
Oroitzapen hau idukiren dut nerekin bizi guzian
Eta agian zuk ere bardin, beste guzien gainian ;
Euskaldun solas egin dezagun beti ahal den lekian,
Gure izkuntzak merexi duen modurik hoberenian,
Arbasotarik ukan mintzaira zabalduz gauden tokian.
6
Euskal laņetan ari zirela aspaldi nuen aditu
Eta euskaldun berrikarian geroztikan irakurtu;
Zure arrazoin zintzoak hartan garbi ditutzu agertu,
Euskaldun fidel dagon jendeak nahi badu konprenitu,
Euskal izena ez dela aski, behar dela're obratu.
7
Euskaldunentzat estimagarri zure izpide garble
Frantximant sendi denari ez du balio deus erratia;
Ez da solasez juiatzen ahal zer den jenden gutizia,
Behar du obraz ere frogatu, bakotxak eginbidia,
Bestela beti izanen dugu Euskalduntza nahasia.
8
Eskerrak ditut oral ematen euskera zuzentzaleri
Guretzat berant izana gatik, norbeiten on izan bedi,
Jarraiki zaizte fede osoan bururatzera lan hori;
Oraiko lanak izan ditezke geroko estimagarri,
Euskal mintzaira eginez batto, eta guzientzat bardin.
9
Orai eskerrak bihotz barnetik adixkide Satrustegui
Zure bisita baitzen neretzat biziki estimagarri;
Itzul bazinte alde huntara, jakin zazu gure berri,
Gure etxean badukezula berriz-e ostatu hori,
Ahal izanez zerbitzu hori egin nahi dugu zuri.
10
Gaur urrundanik bertsu hauk zuri lumaz iskiriatzian
Jaungoikoari nago bihotzez, zuretako otoitzian;
Haren laguntza izan dezazun zure bizitza guzian,
Eginbideak bururatzeko ahalik hoberenian,
Bainan ez ahantz adixkideak girenak Kalifornian.