Bidarraiko basurdea
Arrossagaray, J.C.
1
Sujet berria jakin orduko hastera noa kantatzen
Bidarrai herri maitagarrian huna zer zaukun gertatzen
Ihiztariak hasi zauzkigu basurdien atakatzen
Urtez basurdek ez zuten nehoiz gizon abilik tronpatzen.
2
Goizean goizik partitu dira, argia hasi orduko
Bakotxa beren lekutan jarri zelakoan pasatuko
Zakurrak laster erausiaka orentto baten buruko
Ikus orduko tiroka bainan ez zaiote geldituko.
3
Hola gertatuz ihiztariak, han zauden dèna afera
Basurde hura lacer joanik handia zuten kolera
Urrunegi zen edo bertzela presatu gaituk sobera
Elgarri erran zuten hitz hori eta joan ziren etxera.
4
Etxerat heldu orduko heien pena handizko tormenta
Basurde hura kolpatua duk, zer ihizi errementa!
Etxekandrea zerri bazkatzen ohartuz bat diferenta
Erran zioten zerritegian atxemana dut presenta.
5
Jakin orduko ezin sinetsiz doatzi zerritegira
Ikus orduko harriturikan hantxetan gelditzen dira
Ziotelarik bera jitekotz etxe-zerrien erdira
Basurde hunen bila zertako joan gira gu mendira?
6
Basurde hori abila zela nola ez ditake pentsa
Amodioa agertu baitu etxe zerri horientza
Lauetan hogoi kilo baditu bertzalde zagon aketza
Zerri tegiak berritzen ahal tuzue umarrientza.
7
Umarri batzu sortuko dira zorrotzik beren muturrak
Lamatu gabe uzten badira irauliko duzte lurrak
Basurdek berek dakite zonbat zaizten tirari makurrak
Hola segituz saltzen ahalko duzte harma ta zakurrak.
