Bertsulari baten lau seme alabak
Arrossagaray, J.C.
1
Jainko maitea, esker mila bat gure laugarren loreaz
Eskaini behar dauzut gaurkoan atseginaren ordreaz
Bat gehiago sortu delakotz gaindi gabiltz omoreaz
Zeren obratu baituzu lehen egin duzuna pobreaz.
2
Elixabeta, zorionean eman daukuzu bihotza
Artalde huntan ez pentsa gero nehoiz zarenik arrotza
Anaiek eta ahizpak ere dauzute begi xorrotxa
Zeren kendua daukatelakotz kondu makurraren lotsa.
3
Lenago hiru gintuen eta orai jina laugarrena
Azaroaren hamazazpian argia kusi duena
Aingerutxoa zaude gutako haurtxoetan ttipiena
Jaunak igorri berria eta denetako garbiena.
4
Mundu hau dago bakotxarentzat zinez iturri gazia
Gauza ainitzez nasai da bainan fedeaz du eskasia
Alaba zuzen erabil zaite izan gabe nahasia
Argi onenaz argitu zaiten Jaunak emanez grazia.
5
Mila bedatzi ehun laur hogoi eta seieko urtea
Guretzat hori sortu zitzaukun zorion osoz betea
Bi alabatxo eta bi seme familian ikustea
Iduritzen zaut purgaturikan zerurat iragaitea.
6
Sortu berriaz aitamak gaude egun oroz behazale
Eta zu berriz maitasun osoz zaude gure argizale
Iduriz beden, alabatxoa, ez zira sortu logale
Galdatzerr dauzut agertu zaiten izaiteaz eskualzale.
7
Elixabeta Mariarentzat baitzinen lehen kusina
Ta izen hori segituko da beti hementik aintzina
Bixtan da gure alaba ez da segurrez zure berdina
Bainan zorion handi ginuke hunen zaindari bazina.