Arrossagaray Bernardette Borda-ri
Arrossagaray, J.C.
1
Pertsu batzuen agertzerat gaur noa burutik burura
Adixkidea daukatan bati egin nahian agurra
Egun konplitu nahia nuke aspaldiko arrangura
Soles haukiek heldu ditezen malte dituzten lekura.
2
Euskal-Herriko zelai maitean ogiak dira burutzen
Egun bizirik ikusten dena lehen denboran galdu zen
Emaztekiak hasiak dira pertsutan gure laguntzen
Laguntza horren gakoa sortu izar zaiku Amikuzen.
3
Ene gogoan sendimendua oral ezin baitut gorda
Aspaldi gure nahia zena oraiko obretan hor da
Ez dakienak erran lezake emazteki hori nor da
Oraarren hau sortu da eta deitzen Bernadet Borda.
4
Gaurko andretan pertsu idazten zuhaur baitzira bakarrik
Hazi sanoa gure Jainkoak jali du zure baitarik
Bertze batzutan ez badu hartzen dohain on horek indarrik
Euskal-Herrian kusiko dea zure pareko izarrik.
5
Pentsu dutanaz erran nahiak inituzke orai zonbait hitz
Bide nekea hartua duzu askoz izaiten da bortitz
Zuk ere nahi izan baituzu horren aide egin hainitz
Zu bezalako naiago nuke dotzena erdi bat balitz.
6
Solas ederrak leituak ditut zure buruak emaiten
Ez zait iduri adin hortako hobeagorik balaiten
Zure jakintza jende guziek ontsa konpreni dezaten
Zeruko Jaunak lagun zaitzala munduan luzaz irauten.
7
Iraupenaren zoriona da m undu huntako gozoa
Euskarak daukan hezur muinean hedaturik zure soa
Pertsularitzan bilakatuz zu zinezko gure auzoa
Ahal guziez lagun dezagun Euskal-herriko urtzoa.
8
Neska gaztea, pertsularisa zinez baitugu atsegin
Erran ditake zeru gainetik uste gabez zaukula jin
Gazte lagunak entsea zaizte zuek egiterat berdin
Euskal-Herriko Nazi sanoa emendatuz joan dadin.
9
Harritu nuzu azken aldian Mattini eman kantuaz
Zure bizian balla zaite duzun dohain loratuaz
Zure aitamak goresten ditut sendimenduzko botuaz
Zorion ainitz hartze baitute mundurat eman fruituaz.
10
Bihotz erditik agurtzen zaitut Euskal-Herriko lorea
Odol sanoaz bizi zarena nihun parerik gabea
Hartu bezala segi aguzu mintzaira hunen bidea
Gure lurreko arbola beti egon dadien berdea.