Aintzileko plazako kurutzearen mende betetzearen urte mugakari
Arrossagaray. J.C.
1
Oi kurutzea zutaz daukagu askoz estimu merkea
Mundu guzirat heda zaguzu zure su onaren kea
Alta jasaiten mundutarrentzat zaude pizu ta nekea
Ahalik badut zuri galdezka hori mana nezakea?
Zure hegalak osa luzatuz heda dezazun bakea.
2
Ene pertsuakgaur, kurutzea, zuhauri buruz doatza
Zak ez baituzu gaur ukatuko zurea duzun arraza
Xuxena zira nola hariak berekin daukan orratza
Ezti eztia ezar-aguzu biziak deraukan latza
Benedikatuz Aintzila herri eta hunekilan plaza.
3
Duela ehun urte xutikan eman zauzten kurutzea
Kasirik erran ditaike zaude herriaren baratzea
Geroztik ainitz ikusi duzu gizarteain itzaltzea
Eta bestalde aingerutxoa frangoren munduratzea
Galdatzen dauzut zorionaren iguzkia zabaltzea.
4
Bihotz bihotzez hertar guziak zure oinetan baigaude
Gure galdea beti badakit ez da izanen debalde
Guk gehiago behar ginuke errespetu zure alde
Bihotz erditik egiten dautzut herriaren partez galde
Zu izan zaiten behin betikotz Aintzildarrentzat errege.
5
Onharkitzu gaur bertsulariak egin dezazken kantuak
Ez dira beti xuxen ibili zure ganako botuak
Haundiak dira gizarteak gaur derabilzkan espantuak
Gaurretik eta biharrera gu gaudela hauts bihurtuak,
Horri behatuz barkazkigutzu egin tugun bekatuak.
6
Zure aldetik zonbat alditan ez gira bada pasatu
Batzuek agur egiten eta bestek baterez behatu
Nola demuntre egitate hau behar duzu zuk sustatu
Hartze duzunaz sekula santan nork ote zaitu goratu
Batean saindu gabiltza eta bestean madarikatu.
7
Barkamendua agian dugu zutarik ardietsiko
Zure alderat egun batean baigirade itzuliko
Nahaskertak itzul ditela ilunbetik ta argiko
Mundu guzia zure menpean ikustea belauniko
Atsegin nuke kausi baladi betiereko biziko.
8
Duela mende oso bat xutik eman zauzten gizoneri
Esker mila bat bihurtzen dut gaur batzuer eta besteri
Jauna otoizten ikas ginezan utzirik ondokoeri
Parabisuan zaizte agian galdatuz aingerueri
Osagarri on arimakoa begira Aintzildarreri.
