San Bizente Paul-en gozo-kantak

Arana, Jose Ignacio de

 KANTARTEA

 Beti-betiko zeruban orain

 Zauden ezkero goitua,

 Gure-alde zuk, Bizente Paul,

 Egiñ erregu-sutua.

 KANTALDIAK

 Eguzki-gisa jayo ziñaden

 Euskal-erritik urrian,

 Eta ikasirik gazte-denboran

 Zaragoza-ko urian,

 Ordendu ziñan Tolosa-koan

 Agertutzeko agirian,

 Eta mundu au bizkortutzeko

 Karidadezko bizian.

 Preso joan ziñan Afrika-raño

 Mairu gaistoen artera,

 Preso -ekarririk amore-katez

 Gizonak Zeru bidera:

 Animak dira zure maiteak,

 Oyek billatzen ai zera;

 Paris, Marsella, Franzi guzian,

 Iñun nekatzen etzera.

 Danen artean pobre gaisoak

 Dituzu maite-kutunak;

 Oyentzako zuk ipiñirikan-

 Ainbeste daude lagunak;

 Karidadeak egiten ditu

 Aiñ errukitsu biguñak;

 Zureak diran seme-alabak

 Ondo dirade ezagunak.

 Karidadeak egiten gaitu

 Jaungoikoaren antzeko:

 Alkar maitatu bear gerade

 Zeru ederrean sartzeko;

 Maitakizunik Jainkozko-gabe

 Ez dago au ezer antzeko;

 Erregu zazu Santo maitia,

 Gure biotzak sutzeko.

 Jaungoikuaren amorez dira

 Pena guztiyak maiteak,

 Bekatuaren ordañak, eta

 Erbeste ontako loreak:

 Guk nai badegu, perlak ditugu

 Mundu ontako nekeak,

 Apaindutzeko berakiñ gero

 Zeruban koroy-obeak.

 Karidade au iritsi iguzu,

 Bizente Paul Santua,

 Biotz-biotzez maita dezagun

 Orain da beti jainkua;

 Bere amorez orobat emen

 Maitarik lagun-urkua,

 Zure ondora gure anima

 Zeruetara bijua.