Maiatzeko lore-kantak
Arana, J. Ignacio
I SARRERAKOAK
KANTARTEA.
Guazen, guazen, guziok,
Birjiña Ama-gana,
Eskeintzera biotzez
Lorecho eder bana.
KANTALDIAK.
¡O Ama biotzekoa
Birjiña garbia,
Zeruko edertasuna
Izarren argia!
Guazen, guazen, guziok,...
Zuri eskeinzera gatoz
Lore lurrekoak,
Zugandik artutzeko
Gerzo zerukoak.
Guazen, guazen, guziok,...
Lorez estali dira
Mendi ta zelayak,
Ostoz apaindurikan
Arbola galayak.
Guazen, guazen, guziok,...
Zure biotz erdian,
Birjiña maitea
Ugari jayo izan da
Bertute lorea.
Guazen, guazen, guziok,...
Baratz eder onetan
Nago uda-berria,
Beti dago eguzkiya,
Beti on egualdia
Guazen, guazen, guziok,...
Bakarrik guk daukagu
Mundu char onetan
Pekatuzko negua
Sarri biotzetan.
Guazen, guazen, guziok,...
Pekatari gaisoen
¡Ama guzioz-ona!
Zu-gabe beti dago
Galdurik gizona.
Guazen, guazen, guziok,...
Zu gure biotzetan
Zeru uda-berria,
Eta gure animentzat
Grazizko iturria.
Guazen, guazen, guziok,...
Gure illuntasunetan
Zu zerade argia,
Gabaz gabilzanean
Zu gure illargia.
Guazen, guazen, guziok,...
Jaikitzen geranean,
Zera egun-sentiya,
Gure epeltasunetan
Zaitugu eguzkiya.
Guazen, guazen, guziok,...
Gure gauza-on guztien
Jatorriya zera;
Izan zaite ere azkenik
Zeruko sarrera.
Guazen, guazen, guziok,...
Oraiñ gure eskeñiyak
Artu-itzatzu or goira,
Aisago igarotzeko
Zu zauden jargoira.
Guazen, guazen, guziok,...
II. AZKENERAKOAK.
KANTARTEA.
¡O gure Ama laztana
Birjiña maitea!
Biyotz-ta guzti arzazu
Nai dezun lorea.
KANTALDIAK.
Mayatzeko loreak
Zure edertasuna
Nai lukete eukitzea
Berentzat laguna.-
¡O gure Ama laztana...
Ori irichi nayean
Ai dirade edertzen,
Naiz gabaz, naiz egunez
Beti daude apaintzen.
¡O gure Ama laztana...
Onela nai dute esan
Zeradela aurrena,
Zeru-tarren artean
Danik ederrena:
¡O gure Ama laztana...
Betoz lore ederrenak
Nere eskuetara,
Birjiña-ren aurrean
Atozte agertzera.
¡O gure Ama laztana...
Biyotza artu egiguzu
Lorakia batean,
¡Ama! gorde gaitzatzu
Zere biyotzean.
¡O gure Ama laztana...
¿Noiz agertuko dezu
Arpegi eder ori?...
Erakutsi egiguzu
Noiz-bait guztiori...
¡O gure Ama laztana...
Zu zaitugu guk Ama
Zu gure Erregiña,
Damu-degu biotzez
Pekatu egiña.
¡O gure Ama laztana...
Arren, ondu gaitean,
Iguzu graziya,
Ez-utzi irichi-artean
Zeruko gloriya.
¡O gure Ama laztana...
|