Leenengo komulgatzea

Arana, Jose Ignacio

 Naiz aingeru bat izan

 Eziñ da agertzea

 Nere animak artu

 Duen mesedea:

 ¡Jainko-Ber-bera oso

 Nigana sartzea,

 Eta bere jargoya

 Nigan ipintea!

 Ikusirik lenbizi

 Neronen barruba,

 Jesus bertan dedala

 Dana zerutuba

 Eta nere amorez

 Bera zoratuba,

 ¿Zenbateraño naiz ni

 Geldi beartuba?

 Graziya badit beste

 Sakramentubetan,

 Bere Biotza dana

 Eman dit onetan:

 Grazien iturburu

 Dan Jaunak benetan

 Errege izan naidu

 Gure biotzetan.

 Atoz, bai, Jesus maite

 Nere Jaungoikoa;

 Egiñ nere anima

 Zure antzekua.

 Zure kemen zerukoz

 Nagola indartua

 Erres garaituko det

 Mundu ta inpernua.

 Zure Sacramentura

 Sarri egaturik,

 Eta naizan guztiya

 Zugan alaiturik,

 Iñoiz ez det izango

 Zori-gaitz esturik,

 Baizik zorion beti,

 Dana Jainkoturik.