Gudariak

Joxe Azurmendi

 Edozein goiz batetan

 erori ziran ildakoak.

 Ordurarte gizon ziranak,

 arrezkeroz heroe.

 Ezer ez gero.

 Oroitarri batean

 kolekzionatu genituenak.

 Gure konzientzia lasaitzeko

 heroe ta gure salbatzaille

 deklaratu zituztenak.

 Bainan ez eriotza altxatu.

 Edozein goiz batetan

 erori ziran ilda

 begi desarmatuak.

 Betiko joan diranak.

 Agoniaren ixiltasuna zan

 goiz guztia.

 Ta gero —gizon bat bezalaxe il dira,

 eriotz ondogabe nekatu batean,

 gure konzientziak behera.