Gizona: 1968

(Prometeo trixtea)

Joxe Azurmendi

 Pauso batera daukak

 hire azkeneko judizioa.

 Han duk negarra ta nekea,

 han duk egarri handia

 ta ura eskuen puntan

 ta ezin aoratu.

 Juzgaturik hago, gizona.

 Jaio hintzalako, heurekoia haizelako,

 munduko ohiturengatik bildurtu haizelako,

 amodioagatik birjina bat bezala.

 Heure balore guztia batu ta gero

 heure dretxoa deklaratu dukelako,

 (gizon bat zan Kafka)

 juzgaturik hago eta kondenaturik.