Euskaldun pare-gabeari
Arana, Jose Ignazioa
KANTARTEA
Zuri, oh Larramendi!
Zuri, gure Aitari,
pozik ari gaituzu
guztiyok kantari.
Zuk egindako onak
Euskal-erriyari
zeruetan bakarrik
du naikoa sari.
KANTALDIYAK
1
Geragorri'ko baso ta zelai!
Larramendi'ko ballera!
Itxasoko arrai, lurreko egazti!
guztiyok atozte onera.
Artzayen soņuz, aingeru-kanta;
gizonak betoz batera,
euskaldun andi Aita Manuel
gureari kantatzera.
2
Ori da juan dan eunki-aldiko
semerik jakintsubena;
bere ots-aundi, birtute-erramuz
mundua bete zuena;
jainkozko gauzak erakustean
irakaslerik lenena;
Euskal-erriyen sortu zitzaigun
umanta goyen-goyena.
3
Andoain-mendi zabal-goyetan
sortu zan euzki ederrak
dizdiaduraz alaitu ditu
Euskal-erriko bazterrak;
bere suakin erretzen ditu
ereji-zuaitz okerrak
bere gozoaz zabaldurikan
errelijiyo-zuzterrak.
4
Eskola-maisu Ernanikoak
umetan ditu arritzen;
Bilbao'tarren artean gero
latin ikasten jarritzen;
Billagarzi'ra jesuitetara
azkar zuela korritzen,
jakinduriya goragokoan
gure gaztea da azitzen.
5
Galdezazue Salamanca'ko
jakintsuenen artean
Larramendi'ren kidako zenbat
agertu ziran batean?
edo iztunik izan ote-zan
bere onore betean
ur-emateko Eliz ta Eskolan
jakin-malla gorenean?
6
Iritxi dira sor-ta-sartalde
zure ots-dundurioak;
berana zaitu eraitorletzat
Erregin Espaiņikoak...
Argitutzen du geiago zure
jakintza goienekoak
antolaturik Loyola'n ixil
ixkribu mirarizkoak.
7
Zure izena kantatzen dute
Izarraitz-peko mutillak,
beren oyuai erantzunikan
Urola'ko ibai ixillak;
zure izena birigarroak
zozoak eta okillak,
zure izena, Loyola'n bertan.
Eliza berri ta ezkillak.
8
Andik zabiltza batera-beste
Euskal-erri ta, kanpoan,
jesus'en ondra ta erriyen ona
darabiltzula gogoan.
Diraunen arte kantako dira
Eleiza Andoain'goan
Leiza'ren izeneta zurea
biyak elkarren ondoan.
9
Agustin Leiza, ta Larramendi
Leizaureko semeak!
zueri ondrak eta gloriyak
jaiot-erri on, nobleak!
Zueri eskerrak, zuen bitartez
dauzkagu ain dotoreak
inguru dana edertzen duten
Eleiz aundi ta torreak.
10
Oh Larramendi! Zure izen onak
bere gidari zauzkala,
Gipuzkoa'ko Diputadua
garaillari zan bezela,
Ernanitarrak pozik zebiltzen
beren babesa ziņala...
Euskal-erriko guztiyen alde
zin egin zenduen lana.
11
Zure liburu ots-aundikoak
zure ixkribu goitiyak,
Euskera ederra zabaldutzeko
ta euskaldun-erri guztiyak,
ezin-da-obeak izango dira
eta txit ondragarriyak...
Bedeinkatuak zure antzekoak
sortzen dituzten erriyak!.