Euskal ichasoac, Jainkoari alabanza

Arana, J.Ignacio de

 ¡Ichaso labañ eder

 Galant itzaltsua ,

 Apaindura zerana

 Euskal-erricua,

 Purrucaric aitzetan

 Portizki olatua!

 Alaba zazu zere

 Sortzalle Jaincua.

 Jauna-ren almena zuc

 Agertzen dakizu,

 Bada bere beatzac

 Ipiñi dizkizu,

 Batetic arri gogor

 Mendi ta erpiñ-izu,

 Eta bestetic ondar-

 Chea zabal dizu.

 Aitzac zure indarrari

 Gogor-egiteco,

 Ta andic zure zelayac

 Guc begiratzeco,

 Arezco-izara berriz

 Zuc an lo-egiteco,

 Ta gure ontzi ederrac

 Zeregan artzeco.

 Goicoac zuri noiznai

 Dizula eragiten,

 Eracusten diguzu

 Otoitzac egiten,

 Zeiñ asarre zaudela,

 Ta urac irakiten,

 Zeiñ ondoa astindurie,

 Ta izarrai ekiten.

 Izan zaitugu ascotan,

 ¡Ichaso ur-urdiña!

 Gure griña ta okerren

 Castigu berdiña;

 Bai-ere chit-ascotan

 Izan zera diña,

 Coroitzeco Eukaldunen

 Ondrazco alegiña.

 Izan dira Euskaldunac

 Emen da erbestean

 Guziz garailariac

 Zure-uren gañean,

 Ziradela maitatzen

 Alcarren artean,

 Zuzen ibillirican

 Jaunaren legean.

 Zugandic goitu ziran

 Otsandico izenac;

 Elcano ta Legazpi,

 Zubiaurre-renac,

 Machin eta Orozco,

 Ta Okendo bi-renac,

 Churruca-rekin dira

 Cantauco lenenac.

 Gloriya bada beti,

 Gloriya Jaunari,

 ¡Euskaldun ur-canpoa!

 Gau ta egun berari;

 Berac egin dizkigu

 Millaca mirari,

 Izan gaitezen bere

 Mesedeen cantari.