Erregu-kantak San Ignazio Loyola-koari 1886an

Arana, Jose Ignazio

 ¡O Gure Santu, Euskaldun aundi,

 Iñigo Loyola-koa,

 Gure biyotzen maitagarriyen

 Nausi ta goyenekoa!

 Atoz gugana, sutzeko gugan

 Zeruko gauzen gogoa;

 Iguzu indar eta laguntza,

 Oso maitatzen JAINKOA.

 Zure lan danak igaro ziran,

 Zure nekeak bukatu,

 Emen lurrean ziñuzen kate

 Lokarri danak askatu.

 ¡Zeñ zoriona dezun zeruban!

 Arren gugatik eskatu,

 dezagun arreta aundi bat,

 Ez egiteko pekatu.

 Zuk badakizu, mundu onetan,

 Pekatu egiñ ezkero,

 Jaungoikoaren zuzentasunak

 Egunero ta gabero

 Gu kastigatu gintzakeala:

 Zuk erregutu chit-bero,

 Barkatu deigun, eta libratu

 Gaitzetik orain ta gero.

 Zure erregubaz izurri-gaitzak

 Emendik zuben aldegiñ;

 Zure-bitartez gure animen

 Irrisku asko desegiñ:

 Zugana gatoz esker millaka

 Ematera gaur atsegiñ,

 Agindurikan danok, ontzeko

 Eiñgo degula alegiñ.

 Begiratu zuk, Aita, gugana,

 Or zeru-goyen erditik;

 Arren, begira mundu ontara

 Zure jar-leku goi-goitik:

 Itz-erdicho bat Jauna-gandurik

 Zauden Santuen tokitik,

 Uste-gerade, San Ignazio,

 Libratubak gaitz guzitik.