Azken agurra Ama Birjiñari

Arzac, Antonio

 Agur Jesus-en Ama,

 Birjiña maitia!

 Agur ichasoko izar

 Diztiatzallia

 Agur, Zeruko Eguzki

 Pozkidaz betia,

 Agur, pekatarion

 Kaya ta estalpea.

 Agur; gizonen Ama,

 Zeruko Erregiña,

 Ama gozo chit maite

 Amorezko piña!

 Zugandik juatea

 Gauza da samiña...

 Agur, nere biotzeko

 Poz eta atsegiña:...

 Agur, gure poza ta

 Atsegiñ guztiya,

 Atsekabe danetan

 Gozakai eztiya!

 Agur, Birjiña eder

 Chit zoragarriya!

 Ar-zazu biotza ta

 Torizu biziya!...

 Baña zugandik alde

 Biyotzak ezin du;

 Zeregana dijoa,

 Zuga bizi nai du

 Birjiñ paregabea,

 Bedeinka nazazu:

 Agur, Ama nerea,

 Agur, agur, agur...