Aloņapeko agerkera
Arana, Jose Ignacio
Badatorkizu; orra nun dezun:
Arantza baten gaņian
Lora guzien lora nausiya
Zeruko-Erregiņa aurrian.
Auspeztu zaite; agur eiozu:
Ta Goņatira jeistian,
Erritar danai esan zayezu
Igotzeko ariņ batian.
Esan zayezu, etorri zaizten
Neke, legorte, gaizkiak,
Erres kenduko ditubela, bai,
Ama Birjiņa Mariak;
Berok benetan biotz-damutuz
Ontzen badira guztiak,
Aren Seme Jaun Jaungoikoarekiņ
Egiņik oso pakiak.
Beren bekatu aundiakgatik
Etorri izandu dirala
Errietara gaitz oyek danak,
Ekaitzaldi bat bezala;
Bere eskuban Ama Birjiņak
Jainkoarena daukala;
Bere mantupe-azpira danik
Iņor galdutzen ez dala.
Igo-baņo leen Goņatiarrak
Aloņapeko basora,
Aitorturikan, bota bitzate
Pekatu danak kanpora:
Erregu eta kanta umillez
Gesalza-albotik jun gora,
Arkaitz-arteko elortegitik
Birjiņa Amaren ondora.
Itz-aldi oyek aitu orduko
Bere biyotza suturik,
Balzategiko artzai gaztea
Abiatzen da pozturik
Goņatirako bide-aldera,
Ta asmo-berean sarturik
Mendiratzeko erri guzia,
Bere-ondoren goiturik.
Aloņa-atzeko gertakizunn au
Goņatiarrak aitzean,
Indartsuenak asitzen dira
Gogoz mendira-nayean;
Errodrigo-ri jarraiturikan
Basamortuko bidean,
Alai dijoaz basorik-baso
Chara ta sasi artean.
"ĄĄAra, diote, arriturikan,
Ara, elorri-arantza!!
ĄAra gaņean erdi-erdiyan
Birjiņ-Amaren ekantza;
Ezkilla dago besangatikan
Zinzilika ta balantza;
Besoetako Jesus-ek ere,
Birjiņarena du antzi!!..."
Egiten dute estalpecho bat,
Kantarik salbe-gozoak;
Alkar-aiturik, ustez ederki,
Artzen dituzte asmoak,
Eramateko Ama Birjiņa
Utzita arkaizte basoak;
Baņa bestera izandu ziran
Birjiņ-beraren gogoak.
An gelditzen da, mirari andiz
Adirazirik danori,
Eliz aundi bat jasorik anche
Jainko Jesus-en Amari,
Jainko zuela kristau leyalak
Erregutzea berari,
Graziak andik isuritzeko
Euskal-errira ugari.
Ara ordutik arkaitz-artean
Agerkeraren lekuba,
zeruko-zelai baratza eta
Lorategitzat sortuba:
An alchaturik San Franziskoren
Semedi eder santuba,
Ai da zabaltzen bertute danen
Usai, lora ta frutuba...
