Aita Santu Leon XIII-ri
Arana, Jose Ignazio
Argiya zera zeru goyetan,
Argiya zera lurrean;
Egi Jainkozko betikoakiñ
Danori argi-eitean.
Argi-danetan zoragarriyen
Zaude gizonen artean;
Zure argien distiadurak
Zabaldu dira mundura,
Anima onak igo ditezen
Argi ta garbi zerura.
Zure argiya sortutzen zaigu
Edertasunez jantziya,
Beti-betiko Egiya danak
Zure gañean jarriya;
Argi orretan billa gentzake
Zoriontasun guztiya,
Eta pausoak ondo zuzendu
Bakarrik orri begira:
Zugandik-iges dabiltzan danak
Dijoaz ondamendira.
Zure argiyak gaintzen du oso
Izarren edertasuna;
Zure-aldean dirudi dala
Euzkiya bera illuna.
Zu zera animen alaitasuna;
Biyotz nobleen eguna.
¿Zertako dabill mundu gaistoa
Argi eder au ketutzen?
Argi-errañu zerutar oyek
Likiskeriyaz beztutzen?...
Gezurrezkoak, errorezkoak
Odei aundi ta beltzenak
Zabal-dituzte dierrietan
Luzbel-en anai lenenak;
Ichumustuan arrapa-nairik
Jesus-en lagun piñenak:
Baña ez dute gure artean
Gau illundurik jarriko,
Zure argiya zilluntasunak
Aisa ditugu ausiko.
Juda-ko Legoi garailariya
Daukazu zere aldera,
Kristo-Beraren ordez lurrean
Erroma-n jarri bazera,
Bere graziaz, bere kemenez,
¿Nola alaiko etzera?
Millaka Etsai amorratubak
Naiz orroatu ondoan,
Soseguz zaude, darabiltzula
Jesus-en itzak gogoan.
Infernu-ate, suleizetarren
Indar-alegiñ okerrak,
Etsai guztien astalka danak
Izango dira alperrak:
Iraungo dute Eleiza-Ama-ren
Zimendu gogor ederrak.
Pedro-ren ontzi garaitzalleak
Joko du ekaitz-artean
Zeruko ipar-argi aldera
Olatu arro gañean.
¡Aita Santuba, Aita maitea!
Alchatu zaite pozturik,
Berrogei ta amar urte-garrenez
Jainkoa eskuan arturik;
Munduko kristau guzien pozak
Zeugan dituzu bildurik.
Kanta bitzate zeru ta lurrak
Aita Leon-en gloriyak,
Leyal berekiñ guk artu arte
Beti-betiko sariyak.