inprimatu
Gure Aita Santua Juan XXIII'gna
Izenburua:
Gure Aita Santua Juan XXIII'gna
Sinadura:
Balendin Enbeita
Urkizaren iruzkina:
Egilea(k):
Enbeita, Balendin

Argitalpena:
Olerti.
Urtea:
1964
Argitalpenaren urtea:
Alea:
1964 I-II Etorkia
Orrialdea:
81-82

Gure aita santua Juan XXIII'gna

 

Enbeita'tar Balendin

 

 Dan, din, dan, din, dan durundu otzak

 Eleiz kanipiaiak deadarrez,

 Aita Santua il dala eta

 mundu guztia negarrez.

 Biotza samurrez,

 maitasun garrez,

 zaintzan ginduzan ardurez.

 Bere eriotzak ze galtze daukan

 ez da azalduten errez.

 

 Lau urte eta zazpi illabete

 Aita Santu egin ditu.

 Egin dituan lan ederrakaz

 guztiok gaitu arritu.

 Mundua batu,

 Egia autortu,

 Aundikeria baztertu.

 Danak diņoe olango aitarik

 ez dala iņoz ezautu.

 

 Mundu guztiak maitatzen eban

 Juan ogetairugarrena.

 Ikusi dogu danak beretzat

 sendi bateko zirana.

 Anaitasuna,

 ta batasuna,

 gizonen askatasuna.

 Auxe zan gure Aita Santuak

 beti eskatzen ebana.

 

 Erri maitale egiazkoa

 Aita Santua izan gendun.

 Iņoren gauzaz ez jaubetzeko

 sarritan esaten euskun.

 Beti fededun,

 egian lagun

 gure ondasunen aldun.

 Askatasuna bear gendula

 bakea gura bagendun.

 

 Alta Goikuak jarririk dauka

 bakoitzai azken ordua,

 eta deituten daben garaian

 gure bizitaz badua.

 Artzai sendua,

 eta zindua,

 Jaunak dau beragandua.

 Tamalez bere eriotziak

 lutuz iantzi dau mundua.

 

 Lau egunian agoliņian

 zer ezeban igaroko.

 Mundu guztia Jaunari eske

 al bada osatuteko.

 Biotz aundiko

 Aita zalako,

 bardina guztiontzako.

 Gure artian nai gendun baņa

 iges egin dau betiko.

 

 


inprimatu