inprimatu
Agurra
Izenburua:
Agurra
Sinadura:
Balendin Enbeita
Urkizaren iruzkina:
Egilea(k):
Enbeita, Balendin

Argitalpena:
Olerti.
Urtea:
1963
Argitalpenaren urtea:
Alea:
1963 III-IV Minezko ezpata
Orrialdea:
61-62

Agurra

 

Enbeita'tar Balendin

 

                                             Kirsti Lükanen'ek Euskalerria'ri.

 

 Finlandia'tarra naiz,

 An daukat biotza.

 Nere aberri artan

 Entzun neban itza:

 Izkuntza bat zegola

 Guztiz aberatsa,

 Euskaldunen izkera

 Eder, garbi-utsa.

 Orrek ekarri nindun

 Euskalerrirantza.

 

         Euskalerri'ko lurrak

 Emen ikusirik,

 Euren edertasunak

 Nauke zoraturik.

 Euskera ikasi dot,

 Ez daukot damurik.

 Ain ederra izan da,

 Nago arriturik,

 Euskotar askok zelan

 Dauken bazterturik.

 

         Agur Euskalerria,

 Baińa ez betiko,

 Finlandia'ra noia

 Deitu daustelako.

 Indarrik gabe nago

 Agur egiteko,

 Zeure alaba legez

 Zaindu nozulako

 Liikanen'dar Kirsti'k

 Etzaitu aiztuko.

 

         Zure mendi ta baso,

 Eta itxas-ertzak,

 Loraz apainduriko

 Zelai ta baratzak,

 Zure oitura eder

 Garbi aberatsak,

 Zainduten dituala

 Euskera izkuntzak,

 Gogoan izango dauz

 Kirsti'ren biotzak.

 

 


inprimatu