Antigua-ko eliza berriaren oroimena
Arana, Jose Antonio de
1
ĄMasusta arbola baten gaņean
Zeruben edergarriya?
Bizkaiko-mendi arkaitz-artean,
Ama Birjiņa Mariya?
Ez da arritzeko, ainbat izanik
Euskaldun Fede-biziya,
Eta Birjiņa-ganako duten
Amore guziz andiya.
2
Anziņakoan masusta-ondoan
Eliza jaso zanean,
Birjiņa-Amaren mesede ugari
Isurtzen ziran danean;
Orduban danak alkar-arturik
Ots-egiņ zuten batean,
"Eleiza andi bat egin Amari
Orduņa-uri gaņean!!"
3
Eta ara-bertan kristabak eunka
Alkarren-leyan lanera;
Arrobietan batzubek pozik
Arri-galant leuntzera;
Besteak-berriz arbola lodi
Zabalak ebakitzera,
Aiskoraz zuri, printzatu, leundu,
Ta abiak zuzen jartzera.
4
Nola dabillen, erle-samalda
Egaka lora-gaņetan,
Erlaunzetara eramateko
Eztigaya oņ-ertzetan;
Langille danak dabiltza alegiņ
Bakoitza bere lanetan,
Eliz-aundi bat eskaņitzeko
Birjiņa Amari benetan.
5
Eranzun-omen zuben orduan
Amak buruba beeturik;
ĄEne semeak! Ondo da; baņan
Geiago nai det; suturik
Jainko-amorez, zeron biotzak
Eliz-edertzat goiturik
Eskaiņitzen bizi-dediņ an
Seme-Jainkoa, pozturik.