Fermin Eguren

Menu

 Betazal frjituak ditugu gaur

 amorru eta larderia saltsan

 zotzetan bihotz tipiak, ahoa gozatzeko,

 arrenkurazko konsome epel bat, garraxi

 ta dolamenezko pikor ederrekin,

 labetik atera berria pesadila erre dat

 buztanari hozka poliki zerbitua

 eta gainean marruma gihar bana, galtzaileen erara apailatua

 —dena behar bezala malko urtetsu

 ta noble batekin pusatua—

 postretako mendekaua, kafea, nahi dutenentzat odola

 izotzarekin, zintzurrari bere trenpua emateko,

 eta azkenik, erretzeko, zizpuro haundi bat

 plazer xume hoietan nahigabe guztiak ahanztera uzteko.