Eranzuera egoki bat

Otaegi, Claudio

 Konpesiorik gabe zegoen

 Apaiz baten jaiera zan,

 Zituen diru pisar guziak

 Gastatutzea obretan.

 Bildu zituen uda batean

 Zazpi edo zortzi argiñ,

 Eta zelaian zion alchatzen

 Pareta aundi bati ekiñ.

 Libre zegoen ordu geienak

 An zituen irugotzen,

 Kontu artuaz, gaitzik gabeko

 Gauzetan chuleatutzen.

 Aen artean arkitzen zan bat,

 Buruz biziro ernea,

 Eta apaizak arekin zuen

 Egunoro itzbidea.

 Langille charra maiz izan oi da

 Mingañez guztiz abilla;

 Aterik etzan ark billatuko

 Etzionik maratilla.

 Egun batean galdetzen dio,

 Leunkiro apaiz jaunak:

 -¿Zer uste dezu, bada ez dira 

 Gizon guziak berdiñak,

 Arri landutzen sekula jakiñ

 Gabeko argiñ bat dala?—

 Jauna, ez beza badu pensatu

 Gogoratu etzaidala,

 Baña...-Gizona, mintzatu zaitez

 Etzaitez izan onela:

 -Konpesatzeko lizentzirik ez

 Duen apaiz bat bezela.-