Neure amari zorionak

Enbeita, B.

 Maitasun bat dot aztu eziña

 Neure biotzan josirik.

 Zer dala, baña, orren beztian

 Maitatuten dodona nik?

 Neure ama da, ama laztana,

 Neure maiterik gurena,

 Pozez beterik laztan artian

 maitero azi niduna.

 Ezin ba, aztu ni bere egunian;

 Da aztuko banintz aztuko,

 Ama bateri jagokon lango

 Semia eznintza izango.

 Poz pozik, ama, opa dautzut gaur,

 Betiko zorion utsa.

 Artuixu bada, maite zaituzan

 Zeure semien biotza.