Manuel Lasarteren omenaldia Leitzan
Enbeita, Balendin
I
Epallan bian Leitzan gintzazan
Millaka Euskaldun pozetan,
Gure Lasarten omenaldia
Genduan erri aretan,
Eleiza, plaza, pelota leku,
Tokirik etzan ezetan,
Gure Leitzako "Urretxidorrak".
Merezi zuan benetan.
II
Ondo merezi zendun Lasarte
Omenaldiko gallurra,
Zu zera gaurko bertsolaritzan
Sendegai eta zuztarra,
Euskal Errian zabaldua da
Zure aritzan zuztarra,
Orren landarak emango dio
Bertsolaritzai indarra.
III
Uda berriko "Urretxidorrak"
Poztutzen gaituz zaar gazte.
Baņa geiago poztutzen gera
Kantuz astian Lasarte.
Bertsolai aundi, izatez apal,
Gizon Euskaldun gaur arte
Maitatzen degu gure txori au
Leitzako Erriak beste.
IV
Seazkatxuko eresi gozoz
Erria zendun eskartzen
Biotz malkoak begietatik
Matrailla biak bustitzen,
Amak Aurtxoa bezala zendun
Bertsoz erria laztantzen,
Bai ta erriak ere maitaki
Pozik zinduzan txalotzen.
V
Toki danetan gure Lasarte
Pozik artzen dute aintzat,
Bere bertsoak bisigarriak
Diralako erriarentzat,
Osasunakin bake ta poza
Opa diogu beretzat
Gure artian nai degulako
Bertsolarien maisutzat.