Iturriren omenez
Enbeita, Balendin
-I-
Muxika Ariatzan,
bertsolai arbola,
ikusi gendun oso
galtzera doala.
Baina konzientziak
ezin utzi ola
eta jarri genduan
bertsolai eskola.
-II-
Pedro "Iturri" gendun
eskola orretan.
Oso xelebria zan
bere esakeretan.
Geroztik ainbat bertso
Bizkaiko errietan
abestuko zituan
ogei urte onetan.
-III-
Gorputzez txiki baiņa
izakeraz aundi.
Nora nai elduko zan
nundi edo andi.
Naiz ta eragozpenak
izan edonundi,
atzerantzik ez egon
gure Pedrogandi.
-IV-
Erria ta Euskera,
euskaldun oiturak,
oiek zituan bere
betiko ardurak.
Etzituan galduko
orretan aukerak.
Oiek ziran beretzat
Errian onurak.
-V-
Plaza askotan ginan
biok elkarregaz,
ainbeste bertsozale
sarri poztuagaz.
Erria triste dago
bere ezbearragaz.
Asko dira oroitzen
Pedro "Iturrigaz".
-VI-
Doan ere sarritan
gendun abestuko.
"Iturri" beti gertu,
borondate oneko.
Aitzakirik etzuan
sekulan jarriko,
naiz ta dirua bear
bizi izateko.
-VII-
Nun nai agertzen zala,
alai, bertsolari,
poz atsegina emonaz
bertsozaleari.
Berriz asiko al da
gure txori ari.
Auxe opa diogu
Pedro ITURRIRI.
|